Кӯмак ба эҳтиёҷмандон -суннати Наврӯзист

Душанбе, 21.03.2014. (АМИТ «Ховар», Мавҷуда Анварӣ). — Ҳамасола дар арафаи иду ҷашнвораҳо аз ҷониби шахсони саховатпеша ва корхонаю идораҳо расонидани кӯмак ба эҳтиёҷмандон ба як анъанаи нек табдил ёфтааст.Бахшида ба ҷашни байналмилалии Наврӯз аз ҷониби роҳбарияти Вазорати корҳои дохилӣ ба Кӯдакистони касалиҳои чашми №42-и ноҳияи Сино, тарбиятгирандагони Мактаб-интернати №1 ва Мактаб-интернати махсуси №1-и шаҳри Душанбе маҳсулоти зиёди хӯрокворӣ, аз қабили орд, равған, биринҷ, картошка, пиёз, макарон, қанд ва дигар анвои хӯрокӣ дастрас шуд.Бояд гуфт, ки роҳбарияти Вазорати корҳои дохилӣ пайваста, ба тарбиятгирандагони мактаб-интернатҳо ғамхорӣ зоҳир намуда, аз ҷараёни таълиму тарбияи онҳо воқиф мегарданд.