Китоби тозанашр дар бораи Наврӯз

Март 21, 2014 09:39

Душанбе, 21.03.2014.АМИТ «Ховар», Марзия Саидзода).- «Наврӯз ва анъанаи таърихию фарҳангии мардумони Осиёи Марказӣ:дирӯз ва имрӯз»- таҳти чунин унвон дар остонаи ҷашни байналмилалии мардумони ориёинажод -Наврӯз нашриёти «Дониш» китоберо ба тозагӣ нашр намуд. Китоби мазкур дастранҷи олимону донишмандони Академияи илмҳои Тоҷикистон ва Туркманистон буда, он бо забони русӣ аз сӯи олимони тоҷик Аскаралӣ Раҷабов ва Муҳаммадраҳим Каримов мураттаб гардидааст. Аскаралӣ Раҷабов, яке аз мураттибони ин китоб дар суҳбат ба хабарнигори АМИТ «Ховар» гуфт, ки китоби мазкур аввалин таҳқиқоти илмӣ- иҷтимоест, ки дар он на танҳо мавқеи Тоҷикистон ҳамчун меросбар, балки кишвари тамаддунофари Наврӯз зикр шудааст.Дар китоб мақолаҳои олимону донишмандони шинохтаи кишварҳои Осиёи Марказӣ, Русия, Эрон, ки ба Наврӯз бахшида шудаанд, гирд оварда шудаанд. Бояд зикр кард, ки ҷашни мардумони ориёинажод -Наврӯз, ки таърихи беш аз шаш ҳазорсола дорад, 19 феврали соли 2010 дар асоси қатъномаи Иҷлосияи 64-уми Маҷмаи умумии Созмони Милали Муттаҳид мақоми байналмилалӣ касб кард. Бо ҷаҳонӣ гардидани Наврӯз ҳавзаи таҷлили он васеъ гардид. Ин аст, ки ҳар сол ин ҷашни эҳёи табиат ва дӯстиву иттиҳоди мардумон дар кишварҳое, ки Наврӯзро оини миллӣ дониста, гиромӣ медоранд, дар сатҳи баланд бо шукуҳи хосса истиқбол гирифта мешавад.

Март 21, 2014 09:39

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид