Лиза Вегнер хариду фурӯши қонунии сангҳои нодирро мехоҳад
Хоруғ, 14.03.2014. (АМИТ Ховар», Файз Мирасан).- Раиси Вилояти мухтори кӯҳистони Бадахшон Шодихон Ҷамшед намояндагони Ташкилоти ҳамкории рушди Олмон ва Бунёди Рупонӣ, мутааллиқ ба кишвари Покистон Лиза Вегнер ва Моҳнур Мамадҳасановаро ба ҳузур пазируфт. Гуфта шуд, ки ин ду созмон дар ҳошияи барномаи рушди бахши хусусӣ дар Тоҷикистон лоиҳаи инкишофи соҳаи заргарӣ ва коркарди сангро ба роҳ мондаанд. Чаҳор сол пеш дар шаҳри Хоруғ як корхонаи хурди коркарди сангро ба кор андохта, онро бо дастгоҳҳои муосир ва мутахассисон таъмин намуданд. Ҳадафи аслӣ аз ин лоиҳа пешбурди истеҳсоли маҳсулоти заргарӣ бо истифодаи сангҳои қиматбаҳо ва нимқиматбаҳои ҳудуди Бадахшон ва фурӯши он дар бозорҳои дохил ва хориҷи кишвар мебошад.Хонум Лиза Вегнер дар ҷараёни мулоқот баён намуд, ки то ба ҳол аз ҷониби Ташкилоти ҳамкории рушди Олмон дар вилоят зиёда аз 80 нафар мутахассиси коркарди санг омода шудааст. Ягона мушкили ин корхона надоштани дастрасӣ ба хариди сангҳои қиматбаҳо ва нимқиматбаҳо мебошад. Хонум Вегнер аз раиси вилоят хоҳиш кард, ки дар масъалаи хариду фурӯши қонунии сангҳои нодир ба ин корхона кумак расонад.Раиси вилоят ба намояндагони Ташкилоти ҳамкории рушди Олмон ва Бунёди Рупонӣ тавсия намуд, ки бояд аз ҷониби ин ташкилотҳо номгӯи дақиқи сангҳои лозимӣ ва ҳаҷми онро қаблан ба мақомоти маҳалии вилоят пешниҳод кунанд ва онҳо дар навбати худ ин масъаларо барои ҳал ба ҳукумати кишвар ирсол хоҳанд кард.
«ҶОВИДОН БОД, ҶАВОНӢ ВА ҶАВОНОН». Дар шаҳри Душанбе Моҳвораи ҷавонон ҷамъбаст гардида, ҷавонони фаъол қадрдонӣ шуданд
Дар шаҳри Хоруғ байни наврасони эҷодкор озмуни «Намоиши илмӣ» баргузор гардид
Ҷаласаи онлайнии комиссияи Озмуни байналмилалии тарҷумонҳои ҷавон доир шуд
Имрӯз дар Тоҷикистон ҳавои тағйирёбанда пешгӯӣ мешавад
«ПИРӢ ФАРО РАСИДААСТ, ЧӢ БОЯД КАРД?». Таҳти чунин унвон китоб ба нашр расид
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
«ИЛМ-ФУРӮҒИ МАЪРИФАТ». Дар ноҳияи Рӯдакӣ даври ноҳиявии озмуни ҷумҳуриявӣ баргузор гардид
РОҲСОЗӢ-КОРИ ХАЙР. Сокинони ноҳияи Спитамен маблағи барои ҳаҷ ҷамъовардаашонро дар мумфаршкунии роҳҳо сарф карданд
Имрӯз дар шаҳри Душанбе ҳаво 34 дараҷа гарм мешавад
Имрӯз дар шаҳри Душанбе ҷаласаи 28-уми Шурои роҳбарони мақомоти муҳоҷирати давлатҳои иштирокдори Иттиҳоди Давлатҳои Мустақил доир мегардад
Дар ноҳияи Фирдавсӣ ташкилоти ҳизбии «Ободкор» ва «Шири Ватан» таъсис дода шуданд
Дар шаҳри Санкт-Петербург ҷаласаи комиссияи доимии Ассамблеяи парламентӣ оид ба масъалаҳои ҳуқуқӣ баргузор гардид
