М. Неъматов: Рӯзи матбуот муборак!

Март 11, 2014 13:33

Душанбе, 11.02.2014 (АМИТ «Ховар», Фарзонаи Давлат).-Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Маликшо Неъматов тамоми расонаҳои хабарӣ ва ВАО-и кишварро бо Рӯзи матбуоти тоҷик табрик намуда, аз онҳо ҷиҳати тарғибу ташвиқ ва инъикоси фаъолияти соҳа ибрози минатдорӣ намуд.Тавре ки аз Кумитаи ҷавонон, варзиш ва сайёҳӣ хабар доданд, дар барқияи табрикотӣ аз ҳамкориҳои пайвастаи кумита бо расонаҳои хабарии кишвар ёдовар шуда, гуфта шудааст, ки: «Расонаҳои хабарӣ, аз ҷумла матбуот ҳамчун инъикоскунандаи сиёсат барои танзиму таҳкими равандҳои дар ҷомеа ба амал оянда масъулияти бузург бар дўш гирифта, ба ҳаёти ҷомеа таъсири амиқ гузошта, бо қалами буррои саршор аз муҳаббат ба Ватан ва сухани афкори равшанашон дар масири худшиносиву ҳувиятсозӣ, фарҳангсозию шахсиятсозӣ, созандагию бунёдкорӣ, таҳкими ваҳдату осоиштагии афроди ҷомеа ва дар маҷмўъ пешрафту шукуфоии Ватан саҳми бориз доштаву доранд». Дар робита ба табрикот Маликшо Неъматов аз суханронии Президенти Ҷумҳурии Тоҷикистон дар маҷлиси тантанавӣ бахшида ба 100-солагии матбуоти тоҷик иқтибос овардааст: «Манфиатҳои миллӣ ва суботу оромии ҷомеа тақозо менамоянд, ки воситаҳои ахбори оммаи ватанӣ на танҳо дастгоҳи тавони хабарӣ бошанд, балки дар муборизаи иттилоотӣ барои ҳифзи манфиатҳои миллӣ, алалхусус амнияти давлат ва ҷомеа хизмат кунанд, зеро тавре ки аз мазмун ва моҳияти қонунгузории мамлакат оид ба васоити ахбори омма бармеояд, таъмини амнияти иттилоотӣ яке аз самтҳои асосии фаъолияти онҳо мебошад». Ёдовар бояд шуд, ки аҳли қалам минбаъд низ баҳри дифову ҳимоят аз манфиатҳои миллӣ, арзишҳои фарҳангӣ ва амалӣ кардани ниёзҳову ормонҳои мардуми кишвар гомҳои устувор мениҳанд.

Март 11, 2014 13:33

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид