Милитсия: Воқеаи нохуш
Душанбе, 17.03. 2014. (АМИТ «Ховар», Муқаддас Темурзода).- Рӯзи 15 март, тахминан соати 07:40-дақиқа, ронандаи мошини тамғаи «Opel- Astra», Саидов Ҳошим Тешаевич, соли таваллудаш 1958, сокини шаҳри Роғун, ҳангоми ҳаракат аз самти шаҳри Роғун ба тарафи ноҳияи Нуробод дар роҳи мошингарди Ваҳдат-Рашт-Ҷиргатол аз уҳдаи идораи воситаи нақлиёт набаромада, мошинро ба ҷарии 80-метр чаппа кардааст.Сомонаи расмии Вазорати корҳои дохилӣ хабар медиҳад, ки дар натиҷаи ҳодисаи мазкур мусофири ин мошин Саидова Ҷиёнгул Сабуровна, соли таваллудаш 1965, сокини ноҳияи Файзобод дар дарёчаи Оби гарм ғарқ шуда, ба ҳалокат расид ва мусофири дигари мошин Сайфиддин Зайниддинов, соли таваллудаш 1950, ҷароҳати вазнини ҷисмонӣ бардошта, дар беморхона бистарӣ гардид.Ҳамчунин сарчашма хабар медиҳад, ки ронандаи боз як мошини тамғаи «Opel- Astra», Ҳакималӣ Шерматов, соли таваллудаш 1968, сокини деҳаи Дӯстии ноҳияи Рӯдакӣ, ҳангоми ҳаракат аз самти роҳи мошингарди Ёвон ба тарафи роҳи мошингарди ноҳияи Рӯдакӣ, аз уҳдаи идораи воситаи нақлиёт набаромада, мошинро чаппа кардааст. Дар натиҷа мусофири мошини мазкур Файзулло Шерматов, соли таваллудаш 1930, ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.