Модарам дурдонаи дунё туӣ

Душанбе, 7.03.2014. (АМИТ «Ховар», Раъно Нусратуллозода).- «Модарам дурдонаи дунё туӣ»- бо чунин унвон дирӯз маҳфили илмиву адабии донишҷӯдухтароне, ки тибқи квотаи Президентӣ таҳсил мекунанд, бахшида ба Рӯзи модар дар толори хобгоҳи № 3-и Донишгоҳи давлатии Хуҷанд ба номи академик Бобоҷон Ғафуров доир гардид.Муовини ректори донишгоҳ Муъминҷон Шамсиддинов зикр намуд, ки тарбияи мутахассисони баландихтисос яке аз самтҳои муҳими Раёсати донишгоҳ муайян гардидааст. Таъмиру таҷдид ва боз ҳам беҳтар намудани шароити зист дар хобгоҳҳои донишгоҳ зери таваҷҷуҳи доимӣ қарор дорад. Иштироки фаъоли донишҷӯдухтарони тибқи квотаи Президентӣ таҳсилкунанда дар чорабинии мазкур аз он дарак медиҳад, ки дар ин раванд муҳассилин масъулияти бештар ҳис намуда, дар ҷодаи корҳои таълиму тарбия пешсафиро аз даст надиҳанд.Дар анҷоми чорабинӣ аз тарафи Раёсати донишгоҳ ва Кумитаи муттаҳидаи иттифоқи касабаи донишгоҳ ба фаъолони маҳфил туҳфа ва ифтихорномаҳо тақдим гардиданд.