Мулоқот бо ихтиёрони шаҳри Ваҳдат

Душанбе, 28.03.2014 (АМИТ «Ховар», Фарзонаи Давлат).- Қиёмиддин Миралиев-масъули Кумитаи ҷавонон, варзиш ва сайёҳии назди Ҳукумати Ҷумҳурии Точикистон имрӯз  сари як мизи мудаввар бо ихтиёриёни шаҳри Ваҳдат мулоқот намуд.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, мизи мудаввар, ки оид ба масоили иҷтимоии ҷавонон ва ташаббусҳои хайрхоҳонаи  онон сурат гирифт, бо ташаббуси ташкилоти ҷамъиятии “ Сайёр”  ва дар якҷоягӣ  бо Кумитаи ҷавонон, варзиш ва сайёҳӣ доир гардид. 
Гуфта мешавад, ки дар нишасти мазкур муовини сардори раёсати ҷавонони Кумитаи ҷавонон, варзиш ва сайёҳӣ Ќиёмиддин Миралиев, директори Маркази СПИД-и шаҳри Ваҳдат Абдурашид Раҷабов,  масъули сардори шуъбаи мубориза ба зидди маводи мухаддири ШКД шаҳри Ваҳдат Илҳом Шарипов, сарвари  ташкилоти ҷамъиятии “ Сайёр” Гаҳвар Хоҷаева ва сармутахассиси бахши ҷавонон, варзиш ва сайёҳии шаҳри Ваҳдат Сафарбек Саидов иштирок намуда, оид ба мавзӯи мазкур сухан гуфтанд.