Мушкилот ва пешрафти матбуоти Хатлон
Хатлон, 11.03.2014(АМИТ «Ховар», Меҳрубон Сатторова).- Матбуоти даврӣ дар ҳама давру замон барои пешрафту ҳалли мушкилот нақши созанда гузоштааст ва мегузорад. Рӯзномаи «Набзи Қӯрғонтеппа» тӯли 83 сол аст фаъолият дорад. Он соли 1931 бо номи «Зарбдори сохтмони Вахш» бо мақсади азхудкунии заминҳои водии Вахш таъсис ёфта буд. Тавре ки сармуҳаррири рӯзнома Усмон Тӯйчиев иброз дошт, дар ин муддат рӯзнома чанд маротиба ивази ном карда ва ба комёбиҳои назаррас ноил гардидааст. Дар баробари пешравиҳо имрӯз матбуотчиёни хатлонӣ бо мушкилиҳо низ рӯ ба рӯ мешаванд. Ин чопи босифати рӯзнома аст, ки то қадре ҳалли худро ёфтааст. Мушкилоти дигар набудани матбааи замонавӣ дар вилоят мебошад. Аммо ба ин нигоҳ накарда, рӯзномаҳо сари вақт дастраси хонанда мешаванд. Имрӯз бахшида ба Рӯзи матбуот дар бинои мақомоти ичроияи ҳокимияти давлатии вилояти Хатлон бо иштироки 70 нафар рӯзноманигор маҷлиси тантанавӣ баргузор шуд. Аз номи раиси вилоят муовини он Ситора Шерова рӯзноманигоронро бо ин рӯзи таърихӣ табрик гуфта, нақши матбуоти тоҷикро баланд арзёбӣ намуд. Дар ҷамъомад ба 5 нафар унвони Аълочии матбуоти ҶТ, ба 4 нафар Ифтихорнома супорида шуд ва 5 нафар узви Конфедератсияи байналмилалии Иттифоқи журналистон гардиданд. Дар ин бора мудири шуъбаи иттилооти дастгоҳи раиси вилояти Хатлон Амиршо Раҳимов иттилоъ дод.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






