Мусобиқаи футбол миёни духтарон

Душанбе, 6.03.2014. (АМИТ «Ховар», Зарангези Латиф).- Дар шаҳри Конибодоми вилояти Суғд мусобиқаи футбол байни духтарон баргузор шуд.Дар мусобиқаи мазкур дастаи варзишгарон аз Коллеҷи технологӣ, дастаи Коллеҷи омўзгорӣ, мактаби варзишии бачагону наврасон, мактаби таҳсилоти миёнаи умумии №20 ва футболбозони Литсейи дўзандагӣ байни ҳам қувваозмоӣ намуданд.Дар даври ниҳоӣ ду дастаи беҳтарин- дастаи Коллеҷи омўзгорӣ ва мактаби варзишии бачагону наврасони шаҳр байни ҳам қувваозмоӣ намуданд ва ҷойи аввал насиби духтарони Коллеҷи омўзгорӣ гардид.Ба иттилои бахши ҷавонон, варзиш ва сайёҳии шаҳр иштирокдорони фаъол туҳфаҳои хотиравӣ ва сипосномаҳову ифтихорномаҳоро сазовор шуданд.