Мусобиқаи велосипедронӣ дар Суғд
Душанбе, 24.03.2014. (АМИТ «Ховар», Фарзонаи Давлат).- Рӯзҳои 25-26-уми марти соли равон дар шаҳри Хуҷанди вилояти Суғд мусобиқаи ҷумҳуриявии велосипедронӣ миёни занон ва мардон доир мегардад.Тавре ки дар ин бора аз Кумитаи ҷавонон, варзиш ва сайёҳӣ хабар доданд, дар назар аст дар чорабинии мазкур дастаҳои занонаву мардона аз вилояти Суғд, Хатлон, ВМКБ, шаҳри Душанбе, шаҳру ноҳияҳои тобеи марказ иштирок намоянд.Гуфта мешавад, ки ғолибон бо туҳфаву ҷоизаҳои омодакардаи ҳокимияти давлатии вилоят қадрдонӣ хоҳанд шуд.