Мюллер: «Тоҷикистон шарики муҳими САҲА аст»
Душанбе, 07.03.2014.(АМИТ «Ховар», Марзия Саидзода).-«Тавсеаи равобити Тоҷикистон ва Созмони амният ва ҳамкорӣ дар Аврупо /САҲА/ барои тақвияти ҷойгоҳи Тоҷикистон дар миёни кишварҳои узви САҲА ва баланд гардидани нуфузи кишвари мо дар арсаи ҷаҳонӣ мусоидат менамояд». Ин матлабро Шукурҷон Зуҳуров-раиси Маҷлиси намояндагони Маҷлиси Олии ҷумҳурӣ 7 март дар ҷараёни мулоқоташ бо Маркус Мюллер-сафири нави САҲА дар Тоҷикистон иброз дошт. Ш. Зуҳуров гуфт, ки тақвияти равобити Тоҷикистон бо ниҳодҳои САҲА яке аз самтҳои афзалиятноки сиёсати хориҷии Тоҷикистон маҳсуб меёбад. Мавсуф таъкид кард, ки кишвари мо дар оянда бобати тақвияти равобити ҳасана бо ин созмони бонуфуз талош хоҳад кард. Иштироки роҳбарияти олӣ ва ҳайати парлумонии Тоҷикистон дар ҳамоиш ва дигар чорабиниҳои муҳими ин созмон ҷиҳати густариши равобити судманди Тоҷикистону САҲА дар бахшҳои мухталиф муосидат менамояд. Маркус Мюллер -сафири нави САҲА Тоҷикистонро ҳамчун шарики асосӣ ва хеле муҳими САҲА арзёбӣ кард. М. Мюллер афзуд, ки ифтитоҳи калонтарин дафтари намояндагии ин созмон дар Душанбе аз он шаҳодат медиҳад, ки САҲА Тоҷикистонро ҳамчун кишвари муҳим дар ҳалли қазияҳои ҷаҳонӣ, хусусан авзои Афғонистон барои худ медонад ва алоқаманди густариши ҳамкорӣ бо ин кишвар дар заминаҳои мухталиф аст. Ҳамзамон дар мулоқот масъалаҳои марбут ба ҳаёти сиёсӣ, иқтисодӣ, иҷтимоӣ, экологӣ, гуманитарӣ, тақвияти мубориза алайҳи терроризму ифротгароӣ матраҳ гардиданд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
