Нашъаҷаллоби фирорӣ дастгир шуд

Душанбе, 14.03.2014. (АМИТ «Ховар», Муқаддас Темурзода).- 12 март зимни гузаронидани чораҳои фаврӣ-ҷустуҷӯӣ аз ҷониби кормандони Вазорати корҳои дохилӣ Нарзуллоев Оятулло Сайфуллоевич, соли таваллудаш 1986, сокини ноҳияи Рӯдакӣ дастгир шуд.Тавре ки қаблан иттилоъ дода будем, номбурда муддати дароз дар ҳудуди шаҳри Душанбе ба ғайриқонунӣ нигоҳ доштан, хариду фурӯш ва интиқоли маводи мухаддир дар ҳаҷми махсусан калон машғул буд. Нарзуллоев О.С. ҳангоми дастгир намудан бо мақсади аз ҷавобгарии ҷиноятӣ озод гаштан ба 2 нафар корманди милитсия ҳамла намуда, бо истифода аз корд ба узвҳои бадани онҳо ҷароҳатҳои халандаю буранда расонида, аз ҷойи ҳодиса ғайб зада буд.Дар айни замон айбдоршаванда Нарзуллоев Оятулло Сайфуллоевич дар ҳабси пешакӣ қарор дошта, нисбат ба ин ҳодиса тафтиш идома дорад.Дар ин бора сомонаи расмии ВКД хабар медиҳад.