Натиҷаи озмуни «Нишони беҳтарини шаҳр» ҷамъбаст мешавад

Хуҷанд, 03.03.2014. (АМИТ «Ховар», Абдуаҳад  Шарифзода).- Дар  арафаи  иди  Наврӯз  дар  шаҳри Хуҷанд   натиҷаи  озмуни   шаҳрии «Нишони  беҳтарини  шаҳр»  ҷамъбаст  мегардад. 
 
Тавре  ки  аз  маъмурияти  шаҳр  хабар  доданд,   дар  даври  якуми  озмун, ки   аз  моҳи  ноябри  соли гузашта  то  моҳи  январи  соли  ҷорӣ  баргузор  гардид,  беш  аз  50 нишон манзури  ҳаками  озмун  гардида,  аз ҷумлаи  онҳо  30  нишон интихоб  шуд.  Чанде  пеш  натиҷаи   даври  дуюми  озмун   ҷамъбаст  гардида,  се  нишон    интихоб  гардид. 
 
Қобили  зикр  аст, ки  нишонҳои  пешниҳодшударо  комиссияи  махсус  иборат  аз  20  нафар  аз ҷумлаи  намояндагони  маъмурияти  шаҳр,  таърихшиносон,  рассомон  ва  кормандони  соҳаи  фарҳанг  арзёбӣ  мекунад.