Ниҳолшинонӣ- кори савоб
Айнӣ, 20.03.2014. (АМИТ «Ховар», Гулбаҳор Худойбердӣ).-Бо мақсади истиқболи сазовори иди Наврўз ва ободонию кабудизоркунӣ шуъбаи маорифи ноҳияи Айнӣ иқдоми хайрхоҳонаро пеш гирифт. Дар ҳамаи мактабу муассисаҳои томактабӣ «21 рўзи ободонию кабудизоркунӣ» эълон гардид. Ин ибтикорро кормандони ҳамаи таълимгоҳҳою боғчаҳои бачагона якдилона дастгирӣ намуданд. Тибқи барономаи ободонӣ, хонандагону омўзгорон ва мураббияҳо бояд атроф ва ҷўйҳоро тоза карда, дар ҷойҳои холӣ ниҳолҳои гуногуни мевадиҳандаю сояафкан шинонанд. Мудири шуъбаи маорифи ноҳияи Айнӣ Муллоғиёс Шарипов ба мухбири АМИТ «Ховар» гуфт, онҳо тасмим гирифтаанд, ки барои нигоҳубину сабзондан ҳар ниҳоли шинонидаро ба як хонанда вобаста намоянд. Ин кор бешубҳа ҳам ҳисси масъулиятшиносӣ ва ҳам ҳисси табиатдўстии наврасонро баланд мегардонад. Мувофиқи нақша 21 рўзи ободонӣ дар иди Наврўз ҷамъбаст шуда, ҳашарҳои гулшинонӣ оғоз меёбанд. Дар моҳи май бо иштироки хонандагон дар ноҳия «Иди гулҳо» гузаронида мешавад, ки ин иқдом низ барои тарбияи эстетикии наврасон аҳамияти калон дорад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
