Оғози апрел : борон ва раъду барқ
Душанбе, 31.03.2014. (АМИТ «Ховар», Кристина Эрлих). — 1 апрел дар ҷумҳурӣ ҳавои гарму офтобӣ дар назар дошта шудааст. Бегоҳ дар ҷануби Тоҷикистон борони кӯтоҳмуддат борида , шамоли сахт мевазад. Ғайр аз ин, дар охири рӯз дар вилояти Суғд ва баъзе ноҳияҳои тобеи ҷумҳурӣ бориши борон бо раъду барқ дар назар дошта шудааст. Дар ин бора аз Хадамоти обу ҳавошиносии кишвар ба АМИТ «Ховар» иттилоъ доданд.
Тибқи иттилои ҳавосанҷон , аз 2 то 5 апрел дар Тоҷикистон борони кӯтоҳмуддат борида, дар баъзе ҷойҳо борони сахт ва раъду барк дар назар аст . 3 апрел ҳавои абрноки бебориш мешавад.
Пагоҳ , 1 апрел ҳарорати ҳаво рӯзона дар вилояти Хатлон +20 +25 дараҷа, дар вилояти Суғд +21 +26 дараҷа , дар Ноҳияҳои тобеи ҷумҳурӣ (НТҶ) +19 +24 дараҷа , дар ғарби ВМКБ +15 +20 дараҷа , дар шарқи ВМКБ +0,5 дараҷа гарм мешавад. Дар Душанбе +22 +24 дараҷа гармӣ дар назар аст.