Оғози муҳоҷирати мавсимӣ

Март 3, 2014 14:48

  Душанбе, 3.03.2014.(АМИТ «Ховар», Муқаддас Темурзода).- Яке аз ваколатҳои асосии Хадамоти муҳоҷират-танзими раванди муҳоҷирати меҳнатӣ мебошад. Бо ин мақсад кормандони Хадамоти муҳоҷират ҳамарӯза аз 280 то 300 нафар шаҳрвандро қабул карда, ба онҳо маслиҳатҳои муфид медиҳанд.
Тибқи иттиллои шуъбаи робита бо аҳолии Хадамоти муҳоҷирати Вазорати меҳнат ва шуғли аҳолии ҶТ, 26 феврали соли ҷорӣ шаҳрванд Қурбоналӣ Алиев, соли таваллудаш 1991, сокини шаҳри Сарбанди вилояти Хатлон барои санҷиши ҳолати худ ба Бахши қабул ва маслиҳатдиҳии Хадамоти муҳоҷират муроҷиат намуд. Ҳангоми санҷиш муайян гардид, ки мавсуф барои вайрон намудани қонуну қоидаҳои будубош дар Федератсияи Русия аллакай дар рӯйхати беруншудагон қарор дорад. Зимни муайян кардани ҳолати худ дар ҳайрат шуда, иброз дошт, ки пеш аз ин дар нуқтаҳои чиптафурӯшии вилояти Хатлон ҳолати худро санҷидааст ва дар ҳарду ҳолат низ барои сафар ба Федератсияи Русия ягон монеае пайдо накарда, варақаҳои санҷишро ба шаҳрванд Қ. Алиев супоридаанд. Зикр кардан зарур аст, ки дар он ду ҳолати пештара хатоӣ ҳангоми санҷиш дар санаи таваллуд ҷой дошта, аз ин хотир мавсуфро бо далели бардурӯғ умедвор намуда, ба вай  чиптаи ҳавопайморо бо хатсайри Душанбе-Маскав ба маблағи 389,50 доллари ИМА фурӯхтаанд. 
Бинобар ин, барои пешгирӣ аз чунин ҳолатҳои ногувор, сарфа намудани вақту маблағ ва ба доми фиребгарон наафтодан шаҳрвандонро мебояд, ки ба Хадамоти муҳоҷирати Вазорати меҳнат ва шуғли аҳолии Ҷумҳурии Тоҷикистон муроҷиат намоянд. 

Март 3, 2014 14:48

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид