Порагир дастгир шуд
Душанбе, 12. 03. 2014. (АМИТ «Ховар», Муқаддас Темурзода).-Дирӯз ҳангоми гузаронидани чораҳои фаврӣ-ҷустуҷӯӣ аз ҷониби кормандони шуъбаи ВКД дар ноҳияи Ваҳдат, раиси Кумитаи минтақавии Ташкилоти ҷамъиятии мададгори мудофиавии шаҳри Ваҳдат Ёқубҷон Маҷидов, сокини шаҳри Душанбе, бо гумони гирифтани пора дастгир шуд.
Тавре ки маркази матбуоти ВКД хабар медиҳад, номбурда дар назди гузаргоҳи зеризаминии назди маркази савдои “Садбарг”-и шаҳри Душанбе ба сифати пора аз шаҳрванд Рустам Лашкаров, сокини шаҳри Ваҳдат, барои ҷой кардан дар курсҳои худомӯзии қоидаҳои ҳаракат дар роҳ 400-доллари ИМА гирифтааст. Далели шайъӣ гирифта шуда, ҳодиса мавриди тафтиш қарор дорад.