Пуле, ки сокинони ду соҳилро бо ҳам пайваст
Хоруғ, 27.03.2014. (АМИТ «Ховар», Файз Мирасан).- Мувофиқи шартномаи тарафайни Ҷумҳурии Тоҷикистон ва Ҷумҳурии Исломии Афғонистон дар мавзеи Хумроғии ноҳияи Ванҷ боз як бозори наздимарзӣ ба фаъолият оғоз намуд. Раиси вилоят Шодихон Ҷамшед дар ифтитоҳи ин пули марзӣ гуфт, ки бунёди ин гуна пулҳо кишвари моро аз бунбасти коммуникатсионӣ тезтар раҳо карда, ба як минтақаи транзитӣ табдил медиҳад. Танҳо дар ду даҳсолаи охир дар болои рӯдхонаи Панҷ чор пули байнимарзӣ бунёд ва мавриди баҳрабардорӣ қарор дода шуд. Хишти пули мавзеи Хумроғии ноҳияи Ванҷ соли 2011 бо ширкати бевоситаи Сарвари давлат гузошта шуд ва бинокорон мутобиқи нақша онро дар муҳлати муайяншуда ба истифода доданд. Сокинони ноҳияи Ванҷ мегӯянд, ки мубодилаи молу коло байни тоҷирону соҳибкорон сатҳи зиндагии мардуми ду кишварро ба маротиб боло хоҳад бурд. Дар рӯзи саввуми ҷашни Наврӯз дар Ванҷ бо ҳузури беш аз 600 нафар тоҷирони Бадахшони Тоҷикистону Афғонистон маросими расмии ифтитоҳи бозори наздимарзии мавзеи Хумроғии ноҳияи Ванҷ баргузор шуд. Дар расми ифтитоҳи бозор намояндагони ҳар ду кишвар ширкат варзиданд. Раиси ВМКБ Шодихон Ҷамшед афзуд, ки ин пули чорум аст, ки дар болои дарёи Панҷ сохта шуд. Пули мавзеи Хумроғии ноҳияи Ванҷ ба беш аз 70 ҳазор нафар сокини ҳар ду вилоят хизмат хоҳад кард. Гуфта шуд, ки дар ояндаи наздик сохтмони пули дигар дар яке аз деҳаҳои дурдасти ноҳияи Ишкошим- деҳаи Лангар дар назар дошта шудааст.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






