Рӯзи дарҳои кушод дар ДДК
Кӯлоб, 05.03.2014. (АМИТ «Ховар», Сулаймони Хол).-Дар рӯзи дарҳои кушод, ки дар Донишгоҳи давлатии Кӯлоб баргузор гардид, беш аз 500 нафар хатмкунандаи мактабҳои таҳсилоти ҳамагонии шаҳру ноҳияҳои минтақаи Кӯлоб иштирок намуда, бо шароити таълиму тадрис дар ин махзани илму маърифат ошно гардиданд. Дар ҳамин ҷо ба ҳар як иштирокчӣ варақаи иттилоотӣ дода шуд ва онҳо ҳамчунин имкон пайдо намуданд, ки аз лавҳаҳои иттилоотӣ бо ихтисосҳои ин донишгоҳ шинос шаванд. Ба довталабон ихтирооти донишҷӯён, аз ҳама бештар дастовардҳои илмию тадқиқотии омӯзгорону донишҷӯён мақбул гардиданд ва онҳо ихтисосҳои ояндаи худро интихоб намуданд.