Садои “Ховар” дар маркази Хатлон

Март 5, 2014 15:16

 
Душанбе, 5 март. (АМИТ “Ховар”, Афшини Муқим).- Чандест, ки Радиои “FM Ховар”  дар мавҷи 100,5 FM дар маркази вилояти Хатлон — шаҳри Қурғонтеппа ва атрофи он садо медиҳад. Акнун сокинони вилояти Хатлон имкон доранд, то аз шунидани барномаҳои иттилоотиву фароғатии ин радиои тозатаъсис бархурдор бошанд. 
Бояд гуфт, ки Корхонаи  воҳиди  давлатии  радиои  «FM Ховар» 2   июни  соли  2011  дар  асоси  пешниҳоди  Агентии  миллии  иттилоотии  Тоҷикистон  «Ховар»,  бо ворид  намудани  тағйиру  иловаҳо  ба  қарори  Ҳукумати  Ҷумҳурии  Тоҷикистон  «Дар  бораи  Агентии  миллии  иттилоотии  Тоҷикистон  «Ховар»  таъсис  ёфтааст.  
То кунун радиуси  пахши  радио  фарогири  шаҳри  Душанбе  ва  навоҳии  атрофи  он  буд ва ҳоло “Ховар” дар вилояти Хатлон низ садо медиҳад. АМИТ “Ховар”  дар нақша дорад, то барои  пахши ҷумҳуриявии радио имкон фароҳам созад.  «FM Ховар» — радиои  иттилоотӣ — мусиқӣ  буда,  дар  он  ахбор  мавқеи  хосса  дорад  ва  аз  соати  7:00  то  22:00 ҳар  ним  соат  ахбори  оҷиливу муътамад бо  чор  забон — тоҷикӣ,  русӣ,  англисӣ  ва арабӣ пахш  мешавад. 
Дар  ин  радио  беш аз  20  нафар  журналистон  ба  кор  ҷалб  шуда  ва  сармуҳарририи  радиоро  Дилшода Ҷонмардова    ба  уҳда  дорад.  Ҳарчанд  аз  таъсиси  радио  муддати  зиёде  сипарӣ  нагардида  бошад  ҳам,  аллакай  онро  аз  рӯи  барномаҳои  ҷолибе,  чун  «Тафсир»,  «Накҳати  роз»,  «Суруди  ҳафта», «Бозору  харидор»,  «Меҳмони  Ховар»  шинохтаву  эътироф  мекунанд.  
Ин буд, ки 3-юми майи соли 2012 зимни конфронсе бахшида ба рӯзи умумиҷаҳонии озодии баён аз ҷониби дабири кулли Ассотсиатсияи Медиа- алянси Тоҷикистон Хуршеди Атовулло ҷоизаи «Падидаи сол» дар бахши радио ба радиои «Ховар» супорида шуд. 
Радиои  «FM Ховар»  дар шаҳри Душанбе ва навоҳии атрофи он рӯи  мавҷи  101,5 FM  садо  медиҳад  ва  бояд  гуфт,  ин  радиоро  дар  тамоми  рӯи  олам аз тариқи  шабакаи  умумиҷаҳонии  интернет  шунидан  мумкин  аст,  ки  ин  иқдом  дар  таърихи  радиои  кишвар  аввалин маротиба  аз ҷониби «FM Ховар» ба  роҳ  монда  шудааст.  Радиои  «FM Ховар»-ро  дар  сомонаи  www.khovar.tj  бо  пахши  як  тугмача  истимоъ  намудан  имконпазир  аст.     
Имрӯзҳо шиори радиои «Ховар» вирди забони ҳамагон аст: «Садое, ки бояд шунид!!!»
 
 
 

Март 5, 2014 15:16

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид