Вена: «Шарҳи вазъи вобаста ба маводи нашъаовар дар ҶТ»
Душанбе, 18.03.2014. (АМИТ «Ховар», Муқаддас Темурзода).-Дирӯз бори нахуст дар қароргоҳи Раёсати Созмони Миллали Муттаҳид(СММ) оид ба маводи нашъаовар ва ҷиноят дар шаҳри Вена, директори Агентии назорати маводи нашъаовари назди Президенти ҶТ, генерал-лейтенанти милитсия Рустам Назаров “Шарҳи вазъи вобаста ба маводи нашъаовар дар Ҷумҳурии Тоҷикистон дар соли 2013”-ро муаррифӣ намуд.
Ба иштирокчиёни маҷлис мавзӯъҳои асосии “Шарҳ”: мубориза бар зидди муомилоти ғайриқонунии маводи нашъаовар, пешгирии нашъамандӣ, ҳамкории байналмиллаллӣ ва амалӣ намудани барномаҳои зиддимухаддиротӣ дар Ҷумҳурии Тоҷикистон, натиҷаи соли аввали амалӣ намудани “Стратегияи миллӣ оид ба мубориза бар зидди муомилоти ғайриқонунии маводи нашъовар дар Ҷумҳурии Тоҷикистон барои солҳои 2013-2020” пешниҳод шуданд.
Дар соҳаи пешгирии нашъамандӣ дар Ҷумҳурии Тоҷикистон Рустам Назаров диққати иштирокчиёнро ба «Барномаи минтақавии Раёсати СММ оид ба маводи нашъаовар ва ҷиноят нисбат ба дастгирии кӯшишҳои мубориза бар зидди маводи нашъаовар дар Афғонистон ва кишварҳои ҳамсоя дар солҳои 2011-2014», инчунин фаъолияти муассисаҳои давлатӣ, иттиҳодҳои ҷамъиятӣ ва ташкилоти динӣ дар соҳаи пешгирии нашъамандӣ ва паст намудани зарари оқибатҳои он ҷалб намуд.
Бояд зикр намуд, ки дар қароргоҳи СММ “Шарҳи вазъи вобаста ба маводи нашъаовар дар Ҷумҳурии Тоҷикистон дар соли 2013” бо забони русӣ, англисӣ ва дигар маводи лозимӣ тақсим гардид.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






