Ғалабаи «Равшан» бар «Вахш»

Душанбе, 29.04.2014. (АМИТ «Ховар). —  Дастаи  «Равшан» — и  шаҳри  Кулоб  дар  даври  сеюми  мусобиқоти  Тоҷикистон  оид ба  футбол байни  дастаҳои лигаи  олӣ дар  майдони  худ  бо   ҳисоби  1:0 бар дастаи «Вахш»- и  шаҳри  Қӯрғонтеппа ғолиб  омад.
Хотирнишон  месозем, ки  довари вохӯрӣ  Насрулло  Кабиров  дар  дақиқаи  67 – ум  бозингари  кулобӣ Шодиҷон  Муродов  ва  футболбози  қӯрғонтеппагӣ  Сайдамир  Сайдаҳмадро  барои  вайрон  кардани  қоидаҳои бозӣ  аз  майдон хориҷ  кард.
Бинобар  иштироки   дастаи  мунтахаби  миллии  Тоҷикистон  дар  вохӯрии  рафиқона  бо  дастаи  Афғонистон, ки  4  май  дар  шаҳри  Душанбе баргузор  мешавад, дар  мусобиқот ду  ҳафта танаффус  эълон  шудааст.