Ғизои ройгон барои омӯзгорону хонандагон

Мурғоб, 3.04.2014. (АМИТ «Ховар», Файз Мирасан).-Ба гуфтаи масъулини шуъбаи маорифи ноҳияи Мурғоб  122 нафар  хонандаи синфҳои ибтидоии  мактаби рақами 14-и маркази ноҳияи Мурғоб  ва 12 нафар омӯзгор бо маводи ғизоии яквақта  дар мактаб таъмин  мешаванд. 
Ин иқдом  чанд сол боз  бо ташаббуси Раёсати маориф ва илми вилоят  дар ҳамдастӣ бо Барномаи ғизои Созмони Миллали Муттаҳид роҳандозӣ шудааст.  Барномаи ғизои СММ чанд сол боз  дар вилоят фаъолияти густурда дорад.  Тибқи  талаботи ин барнома  танҳо  хонандагони он макотибе, ки дар шароити сангини  ҷуғрофӣ қарор гирифтаанд,  аз  кумакҳои  ин созмон бархурдор хоҳанд шуд.  
     Хотирнишон бояд кард, ки мактаби ба номи Соҳибназар Сайниеви ноҳияи Мурғоб соли 1932-ум сохта шуда, дар  айни ҳол дар ин ҷо 48 нафар омӯзгор ба таълими  398 нафар толибилм машғул аст.