Қочоқбарон қариб 35 кг героинро партофта гурехтанд

Апрель 26, 2014 10:48

    Хоруғ, 26.04.2014. (АМИТ «Ховар», Файз Мирасан).-Кормандони Раёсати Кумитаи давлатии амнияти миллӣ дар ноҳияи Дарвози ВМКБ баъди гирифтани хабар дар бораи убури марз ва қочоқи маводи мухаддир ҳамроҳ бо гурӯҳи марзбонӣ худро фавран ба ҷои ҳодиса расонданд. Маълум гардид, ки  ҳангоми баргузории амалиёти фаврӣ-ҷустуҷӯӣ   гурӯҳи номаълум маводи  нашъадор ва дигар лавозимотро партофта,  ба он сӯи рӯдхона фирор намудааст. Тавре ки маълум гардид,  қоҷоқчиёни афғон аз самти  деҳаи Фулонии вулусволии Нусайи вилояти Бадахшони Афғонистон тавассути дарёи Панҷ ба ҳудуди деҳаи Роғаки ноҳияи Дарвоз маводи нашъадор ва лавозимоти ҷангиро ба тариқи қочоқ интиқол додаанд, вале ба мақсад нарасида, боз ба самти Афғонистон фирор кардаанд.
Дар минтақаи сарҳадӣ дар чор борхалта  104 адад бастаи  полиэтилении бо хатти форсӣ мӯҳр шуда, ки маводи зардчатоби ба героин монанд дошт ва дар 2 борхалтаи дигар  растаниҳои бангдонаи хушкида ва ба миқдори 799 адад тири қутрашон 7,62 мм ва  ҳамчунин  як  қаиқи резинӣ дарёфт ва мусодира  шуд.
Дар маҷмӯъ муайян карда шуд, ки вазни холиси маводи  нашъадори героин 34 кг 855 грамм ва растаниҳои бангдонаи хушкида  16 кг  990 грамро ташкил медиҳад.  Нисбат ба амали мазкур тафтиш идома дорад.
Дар ин бора аз Раёсати КДАМ ҶТ дар ВМКБ хабар доданд.
 

Апрель 26, 2014 10:48

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид