Қурби асъори хориҷӣ баланд шуд

Душанбе, 25.04.2014. (АМИТ «Ховар», Лайло Тоирӣ).- Ҳафтаи равон дар нуқтаҳои мубодилаи асъори ҷумҳурӣ қурби доллари ИМА каме баланд шуда, ба ҳисоби миёна 5,0330-5,0520 сомониро ташкил дод..  Дар ин давра қурбҳои миёнаи амалиёт бо рубли русӣ ва евро низ андаке баланд шуда, ба 0,1396-0,1406 сомонӣ барои як рубли русӣ ва 6,8690-6,8920 сомонӣ барои як евро баробар шуданд. Бино ба иттилои хадамоти матбуоти Бонки миллии Тоҷикистон 24 апрели соли равон қурби миёнаи доллари ИМА дар нуқтаҳои мубодилаи асъори шаҳрҳои Душанбе 5,0430-5,0640 сомонӣ, Хуҷанд 5,0600-5,0700 сомонӣ ва Қурғонтеппа 5,0400-5,0500 сомониро ташкил намуд.