Ҳайати парлумонии Тоҷикистон ба Русия рафт

  Душанбе,15 апрел.(АМИТ «Ховар», Марзия Саидзода).-Субҳи имрӯз Шукурҷон Зуҳуров-раиси Маҷлиси намояндагони Маҷлиси Олии Ҷумҳурии Тоҷикистон  бо як ҳайати расмии парлумонӣ ба шаҳри Санкт-Петербурги Русия рафт.
     Муҳаммадато Султонов-котиби матбуоти палатаи поёнии Парлумони мамлакат ба АМИТ «Ховар» иттилоъ дод, ки ҳайати парлумонии Тоҷикистон дар ҷаласаи навбатии Шӯрои Ассамблеяи байнипарлумонии  /АБ/ давлатҳои аъзои Иттиҳоди 
Давлатҳои Мустақил /ИДМ/, Иттиҳоди иқтисодии Аврупо ва Осиё /ИИАО/,  Ассамблеяи байнипарлумонии Созмони Аҳдномаи Амнияти Дастаҷамъӣ /АБ СААД/ ва форуми байналмилалии  «Дурнамои иктисодии Аврупо ва Осиё»  иштирок менамояд. Интизор меравад, ки Шукурҷон Зуҳуров дар форуми мазкур, ки дар Донишгоҳи давлатии  иқтисодии Санкт -Петербург баргузор мегардад, баромад намояд.
Ҳамзамон раисони кумитаҳои Маҷлиси намояндагон  Убайдулло Давлатов, Амирқул Азимов, Олимҷон Салимзода, раиси комиссияи Маҷлиси намояндагон оид ба одоби вакилон Давлаталӣ Давлатзода, вакилон Исмоил Талбаков, Саодат Амиршоева, Мунаввара Кенҷаева ва Суҳроб Шарипов, узви Маҷлиси миллӣ Қаҳҳор Маҳкамов, Иброҳими Абдуллозода, А. Азизов дар кори ҷаласаҳои нақшавии комиссияҳои доимии АБ доир ба СААД, ИИАО ва комиссияҳои  доимии АБ ИДМ  оид ба масъалаҳои фарҳанг, иттилоот, сайёҳӣ ва варзиш, сиёсат ва ҳамкориҳои байналмиллалӣ, сиёсати аграрӣ, захираҳои табиӣ ва экологӣ, иҷтимоию иқтисодӣ ва ҳуқуқӣ, сиёсати хориҷӣ иштирок ва суханронӣ хоҳанд кард.8.58.