Ҳалокати як нафар дар ҷойи ҳодиса
Душанбе, 01.04.2014. (АМИТ «Ховар», Муқаддас Темурзода).- Ба иттилои маркази матбуоти ВКД ронандаи мошини тамғаи «Toyota — Kemri» шаҳрванд Қурбонов Дилшод Холмуродович, соли таваллудаш 1987, ҳангоми ҳаракат аз самти ҷамоати деҳоти Ҳисор, ба самти шаҳраки Ҳисор, аз уҳдаи идораи воситаи нақлиёт набаромада, ба тарафи чапи роҳ чаппа шудааст.
Дар натиҷа мусофири мошини мазкур Маҷидов Манучеҳр Аҳлиддинович, соли таваллудаш 1992, сокини ноҳияи Шаҳринав ҷароҳати вазнини ҷисмонӣ бардошта, дар ҷойи ҳодиса ба ҳалокат расид.
Худи ронанда Д. Қурбонов ҷароҳати вазнини ҷисмонӣ бардошта, дар беморхона бистарӣ шудааст.