Ҳамоиши доираҳои тиҷоратӣ дар Душанбе

             Душанбе, 01.04.2014.(АМИТ «Ховар», Марзия Саидзода).- 40 ширкати саноатию тиҷоратӣ  дар дуюмин намоишгоҳи  байналмилалии саноатӣ  ва тиҷоратии  «Тоҷикистон, Баҳор 2014», ки муддати се рӯз -аз 3 то 5 апрел дар «Кохи Борбад»-и Душанбе  баргузор мегардад,  иштирок менамоянд. 
          Палатаи савдо ва саноати Ҷумҳурии Тоҷикистон аз созмондиҳандагони  ин чорабинии муҳими хусусияти иқтисодидошта аст. Ҳадаф аз ташкили ин намоишгоҳ тавсеаи ҳамкориҳои мутақобилан судманди иқтисодию тиҷоратии Тоҷикистон бо кишварҳои хориҷӣ, ҷалби сармояи хориҷӣ, муаррифии маҳсулоти истеҳсолнамудаи ширкату корхонаҳои ватанист.    Интизор меравад, ки дар доираи баргузории намоишгоҳ  ҳамоиши тиҷоратӣ бо иштироки доираҳои соҳибкорӣ аз кишварҳои  Тоҷикистон, Афғонистон, Эрон, Туркия, Чин,  Фаронса ва Олмон доир гардида, масъалаҳои марбут ба тавсеаи равобити иқтисодию тиҷоратӣ матраҳ хоҳанд гардид.14.49.