Ҷаласаи ҷамъбастӣ дар ВКД

Душанбе, 21.04.2014. (АМИТ «Ховар», Муқаддас Темурзода).- Имрӯз дар назди вазири корҳои дохилӣ оид ба ҷамъбасти натиҷаҳои фаъолияти фаврию  хизматии мақомоти корҳои дохилӣ оид ба мубориза бар зидди ҷинояткорӣ дар семоҳаи аввали соли 2014 ва вазифаҳо барои семоҳаи дуюми соли 2014 ҷаласаи фаврӣ ба кори худ оғоз намуд.
Тавре ки маркази матбуоти ВКД хабар медиҳад, дар ҷаласаи мазкур роҳбарони Академия, сарраёсат, раёсатҳо, хадамот ва шуъбаҳои мустақили дастгоҳи марказии вазорат, сардорони раёсати Вазорати корҳои дохилӣ дар Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе, минтақа ва ноҳияи Рашт, сардорони шуъбаҳои Вазорати корҳои дохилӣ дар шаҳру ноҳияҳои тобеи ҷумҳурӣ иштирок доранд.
Вазири корҳои дохилӣ генерал-лейтенанти милитсия Раҳимзода Рамазон Ҳамро гуфт, ки дар ҷаласаи мазкур ҳамаи он камбудиву норасоиҳое, ки дар фаъолияти мақомот тӯли се моҳи аввал ба қайд гирифта шуданд, ҳамаҷониба мавриди таҳлил ва муҳокимаронӣ қарор дода шуда, барои ҳалли онҳо тадбирҳои зарурӣ андешида мешаванд.  
Манбаъ хабар медиҳад, ки дар айни ҳол кори ҷаласа идома дорад.