Ҷаласаи вазирони мудофиаи давлатҳои аъзои СҲШ дар Қайроққум

Апрель 2, 2014 13:29

Душанбе, 02.04.2014. (АМИТ «Ховар, Абдуаҳад  Шарифзода). —  1  апрел  дар  шаҳри  Қайроққуми  вилояти  Суғд  ҷаласаи  навбатии Шӯрои вазирони  мудофиаи  кишварҳои аъзои Созмони Ҳамкории  Шанхай баргузор  гардид. 
Дар  кори ҷаласа, ки таҳти  раёсати  вазири  мудофиаи  Ҷумҳурии  Тоҷикистон  Шералӣ  Мирзо  доир  шуд,  вазирони  мудофиаи  кишварҳои  аъзои  СҲШ,  аз  ҷумла, вазири  мудофиаи  Русия  Сергей  Шойгу, Чин – Чан Вантсюан,  Қазоқистон — Одилбек  Ҷоқсибеков, Қирғизистон – Таалайбек  Омуралиев  ширкат  доштанд. Ҷониби  Ӯзбекистонро  дар  ин   чорабинӣ муовини  аввали  вазири  мудофиа Баҳодур  Тошматов  намояндагӣ  мекард. 
Тавре  ки  аз Вазорати  мудофиаи  Тоҷикистон  ба  мухбири  АМИТ «Ховар»  хабар  доданд, яке  аз  мавзӯъҳои  асосӣ  иборат  аз  муҳокимаи  рушди  ҳамкории ҳарбӣ ва  ҳарбию  техникии  кишварҳои  аъзои СҲШ,  соли ҷории  2014 дар  Чин роҳандозӣ  намудани машқҳои  муштараки зиддитеррористии  қӯшунҳо буд. Дар  ҷаласа  ҳамчунин  дар  мавриди  дастгирии  вазъияти бехатару  суботи  минтақаи  АвруОсиё мубодилаи  афкор баргузор  гардид. 
Ҳамчунин  масоили  марбут ба  вазъияти  ҳозираи  Сурияю  Украина  ва дурнамои  амният ва  таъмини сулҳу  суботи  Афғонистон дар  робита бо баровардани  қувваҳои эътилофи  зиддитеррористии  НАТО  аз  ин  кишвар  муҳокима  шуданд.
Ҷонибҳо  дар  ҷараёни  ҷаласа изҳор  доштанд, ки барои муқовимат  ба  паҳншавии  терроризм,  ифротталабӣ,  гардиши  ғайриқонунии   маводи  мухаддир  ва  ҷинояткорӣ дар  ҳошияи  созмони  мазкур  ҷидду  ҷаҳд  хоҳанд  кард.

Апрель 2, 2014 13:29

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид