15 апрел- зодрӯзи устод Садриддин Айнӣ
Душанбе, 15.04.2014. (АМИТ «Ховар», Ҳотами Шариф).- Имрӯз ба зодрӯзи асосгузори адабиёти навини тоҷик, устод Садриддин Айнӣ 136 сол пур мешавад. Устод Садриддин Айнӣ бо осори гаронбаҳои хеш дар ташкили Ҷумҳурии Шӯравии Сотсиалистии Тоҷикистон нақши муассир гузошт. Ӯ бо муборизаҳои ҷонфидоёна ва қалами буррояш ба ақидаҳои душманони давлату миллат зарбаи ҷонкоҳ зад. Гузашта аз ин ӯ дар нашри осори ниёгон, тарбияи адибони ҷавон, таъсиси Иттиҳодияи нависандагон ва Академияи улум ҳиссаи арзанда дошт.
Устод Садриддин Айнӣ барҳақ Қаҳрамони Тоҷикистон ва устоди кулли адибону насли навини тоҷик аст. Имрӯз дар аксар макотиби ҷумҳурӣ бахшида ба зодрӯзи устод конфронсҳои илмӣ-адабӣ баргузор гардиданд.