25 апрел-Рӯзи ҷаҳонии мубориза бо вараҷа

Апрель 25, 2014 15:02

        Хоруғ, 25.04.2014. (АМИТ «Ховар», Файз Мирасан).- 25 апрел дар саросари ҷаҳон чун Рӯзи мубориза бар зидди бемории вараҷа  унвон шудааст. Ба ин муносибат дар маркази вилоятии мубориза бо бемории вараҷаи шаҳри Хоруғ, ки ҳоло бо кумаки мақомоти давлатии ҷумҳурӣ ва Ташкилоти ҷаҳонии тандурустӣ дорои пойгоҳи мустаҳками моддию техникӣ мебошад, нишасти хабарӣ баргузор шуд. 
     Директори маркази мазкур Мӯъминшо Мӯъминшоев гуфт,          баъди ташкил кардани  Маркази мубориза бо бемориҳои тропикӣ бо кумаки Вазорати тандурустӣ дар ҳамкорӣ бо Созмони ҷаҳонии тандурустӣ дар назди он пойгоҳи моддию техникӣ таъсис дода шуд. Ҳамчунин  озмоишгоҳи муосири дорои воситаҳои зарурии ташхис ва табобати вараҷаи тропикӣ ба фаъолият оғоз кард.
     Ин  ва дигар тадбирҳои муассир имконият доданд, ки дар се соли охир нишонаҳои ин беморӣ ба қайд гирифта нашуд.      Ба қавли мутахассисон паҳнкунандаи   асосии бемории вараҷа  хомӯшакҳо ба шумор мераванд. 
     Раҳбари марказ гуфт, ки ҳарчанд дар вилояти мо ин намуди беморӣ дар давоми се сол ба назар нарасидааст, вале эҳтимоли сироятёбии он  ба воситаи хомӯшакҳо аз кишварҳои ҳамҷавор вуҷуд дорад. Бинобар ин маркази мазкур ба мақсади пешгирӣ аз  бемории вараҷа маводи гуногуни итилоотию маърифатӣ нашр ва ба муассисахои таълимию фарҳангӣ ва маишӣ пайваста дастрас менамояд.

Апрель 25, 2014 15:02

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид