8 ноболиғ қурбони сел гардид

Апрель 14, 2014 15:16

Душанбе, 14.03.2014. (АМИТ «Ховар», Мавҷуда Анварӣ). — Рӯзи 12 апрел, соати 17:30 дар деҳаи Бузхонаи ҷамоати деҳоти Чӯбеки ноҳияи Мир Саид Алии Ҳамадонӣ дар натиҷаи боридани борони пайдарпай ва омадани сел истиқоматкунандаи ҷамоати деҳоти мазкур Эшмуродов Некрӯз Ҷумъахонович, соли таваллудаш 1999 дар селроҳа монда, ба ҳалокат мерасад. Ҳамзамон рӯзи 13 апрел, соати 16 дар деҳаи Одинабойи ҷамоати деҳоти Саричашмаи ноҳияи Шӯрообод  дар натиҷаи бориши жола ва борон ярч фаромада, 5 хонаи истиқоматӣ пурра зери ярч монда, 13 нафар ба ҳалокат мерасад.  Дар оилаи Нурмуҳаммад Исмоилов ҳамсараш Холисамо Мустафоқулова (1956), духтараш Ҳафизамо Исмоилова (1980), келинаш Моҳтоббӣ Афғонова (1987), набераҳояш Меҳрубони Муҳриддин (2004),  Гулбарги Муҳриддин (2005), Таманно Исмоилова (2011), дар оилаи Қурбон Носиров ҳамсараш Марворид  Носирова (1947), писараш Усмоншоҳ Носиров (1983), келинаш Лола Орзуева (1983), набераҳояш Бахтиёри Сафаралӣ (2009), Шукрона Носирова (2013), дар оилаи Самад Арзиев писаронаш Сайёди Самад (2009) ва Бунёди Самад (2005) қурбон шуданд.
   Инчунин 12 апрел дар ҷамоати деҳоти Зарбдори шаҳри Кӯлоб ба 4 хонаи истиқоматии шаҳрвандон обу лойқа даромад. Ҳангоми аз чарогоҳ баргаштани подаи аҳолӣ 160 сар моли майда ва 15 сар чорвои шохдори калон дар селоба монда нобуд гаштааст. Дар деҳаи Панҷосиёби ҷамоати деҳоти Зарбдор ба 4 хонаи истиқоматӣ ва 15 иншооти ёрирасон ва заминҳои наздиҳавлигии шаҳрвандон обу лойқа даромад. Зарари аз  офати табиӣ расида ба роҳҳои мошингард ва аксари заминҳои кишоварзӣ  аз тарафи комиссияи ҳолатҳои фавқулодаи мақомоти иҷроияи шаҳри Кӯлоб муайян мешавад. 
Ҳамзамон соати 7-и субҳи рӯзи 13 апрел дар деҳаи Навбаҳори ҷамоати деҳоти Тугараки ноҳияи Восеъ дар натиҷаи бориши борон ва омадани сел истиқоматкунандаи ҷамоати деҳоти мазкур Муҳаррама Муродова (2008) ҳангоми паноҳ бурдан аз сел дар зери девори роҳрави хонаи истиқоматӣ монда, ба ҳалокат мерасад. 
Дар айни ҳол комиссияи ҳолатҳои фавқулода дар ноҳияҳои Ҳамадонӣ, Шӯрообод ва Восеъ дар ҷойи ҳодиса фаъолият дорад ва маълумоти иловагӣ пешниҳод  мешавад. 
Расонидани кумак ба зарардидагони ноҳияҳои Шӯрообод ва Восеъ аз тарафи Кумитаи ҳолатҳои фавқулода ва мудофиаи шаҳрвандии назди Ҳукумати Чумҳурии Тоҷикистон идома дорад. Бахусус рӯзи 13 апрел соати 22:10 ба ба оилаҳои зарардидаи ноҳияи Шӯрообод 60  хайма барои зисти муваққатӣ, 300 кг орд, 150 кг шакар, 150 кг биринҷ, 90 кг макарон, 60 литр равғани растанӣ дода шуд. Инчунин 10 ҳазору 779 литр сӯзишвории дизелӣ ба ноҳияи Восеъ фиристода шуд. 
Дар ин бора ба хабарнигори АМИТ «Ховар» сухангӯи дафтари матбуоти Кумитаи ҳолатҳои фавқулода ва мудофиаи шаҳрвандии назди Ҳукумати Чумҳурии Тоҷикистон Ориф Нозимов хабар дод.
 
 
 
 
 

Апрель 14, 2014 15:16

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид