Агар тан беғаму бедард бошад…
Кӯлоб, 5.04.2014. (АМИТ «Ховар» Фарҳод Мадаминов). — Дар театри мусиқӣ- мазҳакавии ба номи С.Вализодаи шаҳри Кӯлоб бахшида ба рӯзи байналмиллалии мубориза алайҳи бемории сил таҳти унвони «Агар тан беғаму бедард бошад, дилат бар зиндагонӣ гарм бошад» чорабинӣ барпо шуд. Чорабинӣ бо дастгирии Барномаи лоиҳаи USAID, муошират оид ба ВНМО ва бемории сил ва кӯмаки молиявии USAID доир гардид.
Мақсади чорабинии мазкур баланд бардоштани маърифатнокии ҷомеа ва гурӯҳҳои эҳтиёҷманд, пешгирии вабои аср-СПИД дар байни ҷавонону муҳоҷирони меҳнатӣ буд.