Амбулифт мушкили мусофирони маъюбро осон мегардонад

Апрель 8, 2014 15:09

Душанбе, 08.04.2014. (АМИТ «Ховар», Мавҷуда Анварӣ). — Бо мақсади такмил додани сатҳ ва сифати хизматрасонӣ ба мусофирон, аз ҷумла осон намудани мушкили мусофирони имконияташон маҳдуд фурудгоҳи Душанбе лифти амбулаторӣ (амбулифт) харид.Амбулифт мошини таҷҳизонидашудаи махсус аст, ки барои мусофирони маъюб ва бемороне, ки худ ҳаракат карда наметавонанд, инчунин мусофирони имконияташон маҳдудро барои ба дохили ҳавопаймо интиқол додан пешбинӣ шудааст.Дар асоси қарордоди пештар имзошуда амбулифтро барои фурудгоҳи Душанбе ширкати «Ютейр лизинг» дастрас намуд. Амбулифт истеҳсоли Фаронса буда, дар заминаи мошини машҳури «Reno» сохта шудааст. Мошини мазкур имкон дорад, дар қатори мусофир ё мусофирони имконияташон маҳдуд боз чор нафар ҳамроҳро ба ҳавопаймо интиқол диҳад. Амбулифт ба таври замонавӣ таҷҳизонида шуда, дорои чор курсӣ, замбарароба, аробачаи маъюбӣ, кондитсионер, низоми гармидиҳандаи «Webasto» ва дигар лавозимоти зарурӣ мебошад. Амбулифт ба баландии зиёда аз 5 метр боло мешавад ва имкон дорад ба ҳама намудҳои ҳавопаймоҳои хурду бузурге, ки ба фурдгоҳи Душанбе парвоз мекунанд, хизмат расонад. Муҳандис-технологи хадамоти хизматрасониҳои рўизаминӣ Муҳриддин Муртазоев иброз дошт, ки амбулифт мушкили мусофирони имконияташон маҳдудро пурра бартараф хоҳад кард. Барои идора кардани мошини мазкур алъон мутахассисон омода мешаванд. Дар ин бора котиби матбуотии «Фурудгоҳи байналмилалии Душанбе» Маҳмадюсуф Шодиев ба АМИТ «Ховар» хабар дод.

Апрель 8, 2014 15:09

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид