Ба маълумоти ронандагон

Душанбе, 15.04.2014. (АМИТ «Ховар,  Лайло  Тоирӣ ). —  Раёсати  Бозрасии  давлатии   автомобилии ВКД   Ҷумҳурии  Тоҷикистон ба  маълумоти  шаҳрвандон  мерасонад, ки   барои  таъмини  амнияти  ҷамъиятӣ  дар  роҳҳо  ҳангоми  сафари  кории  Президенти  Ҷумҳурии  Тоҷикистон  ба  шаҳри  Ваҳдат  15  апрели  соли  ҷорӣ  аз  соати  06 ва 30  дақиқаи  субҳ  ҳаракати  васоити  нақлиётӣ   дар  хиёбони  Рӯдакӣ  аз  майдони  Озодӣ  то  кӯчаи  С.Айнӣ  муваққатан  маҳдуд  шудааст. 
Дар  шаҳри  Ваҳдат  аз  соати 06 ва  30  дақиқа  то  соати  15-00  рӯз  ҳаракати   васоити  нақлиётӣ  дар  кӯчаҳои Рӯдакӣ,  Фирдавсӣ,  як  қисми  роҳи  мошингарди Душанбе —  Ваҳдат —  Кӯлоб  то  гардиши  деҳаи  Гургхӯрда,   роҳи  мошингарди  Ваҳдат,  Шӯри  Поён —   Ваҳдат ,  Шӯри  Боло — Ваҳдат ва   Ваҳдат – Рӯдакӣ  муваққатан  маҳдуд  шудааст. 
Раёсати Бозрасии  давлатии   автомобилии  ВКД  ҶТ  аз  сокинони   шаҳри  Душанбе,  минтақаи  Кӯлоб  ва  Рашт  минтақаҳои   Файзободу  Роғун   хоҳиш  мекунад, ки  аз  соати 06-00   субҳ  то  соати  15- 00  рӯз  ҳаракатро  дар  самти  шаҳри  Ваҳдат  маҳдуд  созанд.