Баррасии асосҳои муколамаи давлат бо бахши хусусӣ

Апрель 7, 2014 09:07

Душанбе, 7.04.2014. (АМИТ «Ховар», Фарзона Достонзода). — Кумитаи давлатии сармоягузорӣ ва идораи амволи давлатии Ҷумҳурии Тоҷикистон чанде қабл таҳти раёсати муовини раиси кумита Нигина Абдуллоева бо мусоидати Лоиҳаи БРСММ/DFID “Дастгирии самарабахши ҳамоҳангсозии миллӣ ва мониторинги кумаки беруна” (SЕNACAM) дар шаҳри Душанбе ҷаласаи навбатии Гурӯҳи корӣ оид ба дастгирии бахши хусусиро баргузор намуд. Дар кори ҷаласа намояндагони созмонҳои байналмилалӣ, вазорату идораҳои дахлдор, ҷомеаи шаҳрвандӣ ва бахши хусусӣ ширкат варзиданд.
Аз маркази матбуоти Кумитаи сармоягузорӣ ба АМИТ «Ховар» иттилоъ доданд, ки ҷаласаи мазкур ба баррасии ду масъала — Асосҳои асосии муколамаи давлат бо бахши хусусӣ ва Шарҳи кумаки беруна дар бахши хусусӣ  бахшида шуд.
Ҳар ду масъалаи барномаи ҷаласаи Гурӯҳи корӣ аз тарафи Лоиҳаи SENACAM омода ва пешниҳод гардид. Муаррифии аввал ба масъалаҳои методология ва муқаррароти муколамаи давлат ва бахши хусусӣ, таҷрибаи пешқадами дигар кишварҳо, заминаҳои меъёриву ҳуқуқӣ, ҷанбаъҳои амалӣ ва масъалаҳои асосии ин соҳа бахшида шуд. Дар асоси таҳлили ҳамаҷониба оид ба беҳсозии муколамаи самараноки давлат ва бахши хусусӣ ва дастгирии рушди бахши хусусӣ дар Тоҷикистон тавсияҳо пешниҳод гардиданд.
Дар ҷаласаи Гурӯҳи корӣ баррасии фаъолонаи таҳлили пешниҳодгардида сурат гирифт Тавсия гардид, ки минбаъд ҳам таҷрибаи дар ҷаласаи Гурӯҳи корӣ шунидани натиҷаи таҳҳлилҳо оид ба паҳлуҳои гуногуни расонидани кумаки беруна, аз ҷумла баҳогузории робитаи байниҳамдигарӣ ва рушди механизми равона сохтани кумак ба афзалиятҳои миллӣ ва барномаҳои бахшӣ идома дода шавад.
 
 
 

Апрель 7, 2014 09:07

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид