Баррасии роҳҳои рушди устувори сайёҳӣ

Душанбе, 28.04.2014. (АМИТ «Ховар», Зарангези Латиф).- Пагоҳ муовини раиси Кумитаи ҷавонон, варзиш ва сайёҳии назди Ҳукумати ҷумҳурӣ Руслан Шодиков бо масъулину муҳассилини Донишгоҳи тиҷоратии Тоҷикистон  мизи мудаввар  доир менамояд.
Дар чорабинӣ вазъи имрўзаи соҳаи туризми кишвар ва роҳҳои рушди устувори соҳа бо назардошти нуктаҳои муҳими Паёми Президент ба Маҷлиси Олии ҷумҳурӣ доир ба соҳаи сайёҳӣ, омода намудани кадрҳои соҳаи туризм барои расонидани хизматрасонии  муносиб, ки  ба теъдоди афзоишёбандаи туристони хориҷӣ  мусоидат мекунанд, баррасӣ хоҳанд шуд. 
Дар ин бора аз Кумитаи ҷавонон, варзиш ва сайёҳӣ хабар доданд.