Баррасии самти аврупоии сиёсати хориҷии ҶТ
Душанбе, 03.04.2014. (АМИТ «Ховар», Холисаи Асомиддин).-Имрӯз дар Маркази тадқиқоти стратегии назди Президенти ҶТ дар мавзӯи «Иттиҳоди Аврупо ва Осиёи Марказӣ: хусусиятҳо ва дурнамои ҳамкориҳо» мизи мудаввар доир гардид.
Мизи мудаввар бо сухани Худобердӣ Холиқназар, директори Маркази тадқиқоти стратегӣ шуруъ шуд. Гуфта мешавад, ки дар мизи гирд масъалаҳои «Баҳогузории лоиҳаи Иттиҳоди Аврупо ва Осиёи Марказӣ», «Самти аврупоии сиёсати хориҷии ҶТ», «Ҷанбаҳои иқтисодии ҳамкориҳои Иттиҳоди Аврупо ва Тоҷикистон» баррасӣ шуданд.
Дар мизи гирд намояндагони Иттиҳоди Аврупо, сафири Ҷумҳурии Федеративии Олмон дар ҶТ Эдуард Ауэр ширкат доштанд.