Бизнес-форуми соҳибкорӣ дар Душанбе

Апрель 17, 2014 14:22

Душанбе, 17.04.2014. (АМИТ «Ховар», Мавҷуда Анварӣ). —  11-уми сентябри соли 2014 дар шаҳри Душанбе Бизнес-форуми соҳибкорӣ дар доираи ҷаласаи солонаи Шӯрои сарони давлатҳои аъзои Созмони ҳамкории Шанхай  (СҲШ) баргузор мегардад.
Нақшаи чорабинӣ аз ҷониби раиси кумитаи тадорукот, Сарвазири Ҷумҳурии Тоҷикистон Қоҳир Расулзода тасдиқ гардида, оид ба гузаронидани ин чорабинии муҳими сиёсӣ дар сатҳи баланди ташкилӣ, аз ҷумла муайян намудани толорҳои бошукӯҳ, маҷлисгоҳҳои хурд, ҷаласаҳои соҳавӣ дар доираи Форум, омода намудани рӯйхати иштироккунандагон , паҳн намудани даъватномаҳо тибқи тартиби муқарраргардида, таъмин ва насби таҷҳизоти зарурӣ ҷиҳати таъмини тарҷумаи синхронӣ бо 4 забон, таъмини толор ва маҷлисгоҳҳо бо таҷҳизоти калон (экран), проекторҳо, асбобҳои тақвияти овоз ва баландгӯякҳо, ноутбук ва телевизори плазмавӣ дар байни мизи музокирот, инъикоси ҷараёни чорабиниҳо дар ВАО, ташкили намоиши хурди ҳунармандони миллӣ, тарроҳон ва гӯшаи сайёҳӣ бо пешниҳоди сайёҳӣ дар ҳудуди кишвар, нуқтаҳои тиббӣ дар макони баргузории чорабинӣ, омода ва ҷобаҷогузории парчамҳои давлатҳои узви СҲШ, таъмини хизматрасонии сатҳи баланд дар фурудгоҳ, ба таври ройгон таҳия намудани раводиди Ҷумҳурии Тоҷикистон ба роҳбарони ҳайатҳо, ҳайати ҳамроҳ ва иштирокчиёни вохӯрӣ дар намояндагиҳои дипломатӣ ва муассисаҳои консулии ҶТ дар хориҷа, раёсати консулӣ ва Бюрои консулии Вазорати корҳои хориҷӣ дар фурудгоҳи байналмилалии Душанбе, омода намудани сабти видеоӣ оид ба имкониятҳои инвеститсионии Ҷумҳурии Тоҷикистон ба тамоми вазорату идораҳои дахлдор супоришҳо дода шуд.
 
 

Апрель 17, 2014 14:22

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид