«Бобуна» бемории силро пешгирӣ мекунад

 Ҳамадонӣ, 8.04.2014. (АМИТ «Ховар», Сулаймони Хол).-Ҳукумати Ҷумҳурии Тоҷикистон баҳри солимии ҷомеа ва пешгирии паҳншавии бемориҳои сироятӣ чанд  барномаи давлатиро роҳандозӣ намудааст, ки  онҳо зина ба зина амалӣ мешаванд. Ташкилоти хайриявии «Бобуна» дар ноҳияи Ҳамадонӣ бо дастгирии ҳокимияти маҳаллӣ дар ҳамкорӣ бо шуъбаи маориф дар байни хонандагони мактабҳои ноҳия  омӯзишҳо гузаронида, пайваста озмун ташкил менамояд ва ғолибонро бо туҳфахои пулию молӣ сарфароз мегардонад. 
Ташкилоти хайриявии «Бобуна» бо маркази ҷумҳуриявии зидди бемории сил ҳамкории густурда дорад ва барои  муоинаи сокинони ҷамоъати деҳоти «Дашти гулҳо» гуруҳи корӣ ва таҷҳизоти муосири сайёри рақамии рентгенӣ-флюорографиро ба маркази ҷамоат сафарбар кардааст, ки дар навбати аввал шахсони бо беморони сил дар тамосбуда ва кӯдакони аз 7 то 14- соларо аз ташхис мегузаронанд.