Боду ҳаво барои ҳафтаи ҷорӣ

Душанбе, 25.04.2014. (АМИТ «Ховар», Кристина Эрлих). — 25 апрел дар ҳама ноҳияҳои Тоҷикистон борон борида, дар доманакӯҳҳо ва ноҳияҳои баландкӯҳ борони бошиддат бо раъду барқ дар назар аст.
 
Дар ин бора аз Хадамоти обу ҳавошиносии кишвар ба АМИТ «Ховар»  иттилоъ доданд.
 
Тибқи иттилои обу ҳавошиносон, 26 ва 27 апрел ҳавои абрнок дар назар дошта шудааст. Аз 29 апрел то 1 май борони кӯтоҳмуддат меборад.
 
25 апрел ҳарорати ҳаво дар вилояти Хатлон рӯзона +19 +24 дараҷа, дар вилояти Суғд +13 +18 дараҷа, дар ноҳияҳои тобеи ҷумҳурӣ (НТҶ) +13 +18 дараҷа , дар ғарби ВМКБ +12+17 дараҷа , дар шарқи ВМКБ +3+8 дараҷа гарм мешавад.