Боздиди дипломати туркман аз Ҷамъияти дӯстӣ
Душанбе, 8.04.2014.(АМИТ «Ховар», Марзия Саидзода).- «Ҳадафи ягонаи мо тақвияти дӯстӣ ва бародарӣ миёни халқу миллатҳои гуногуни маскуни Тоҷикистон буда, дар самти амалисозии ин ҳадаф мо Ҷамъияти дӯстии «Тоҷикистон — Туркманистон»-ро таъсис додаем, ки ба ҳайати он олимон ва донишмандони тоҷик шомиланд». Ин матлабро Сайдулло Хайруллоев-раиси Ҷамъияти дӯстӣ ва равобити фарҳангии Тоҷикистон бо кишварҳои хориҷӣ дар мулоқот бо сафири Туркманистон дар Тоҷикистон Ишанқулӣ Аманлиев зикр намуд. С. Хайруллоев ба сатҳи ҳамкориҳои ду кишвар, хусусан дар самти равобити илмию фарҳангӣ баҳои баланд дод. Зикр гардид, ки алҳол дар Тоҷикистон 25 000 туркман кору зиндагӣ мекунад, ки бештари онҳо дар ноҳияҳои Ҷиликӯл ва Қубодиён сукунат доранд. Онҳо дар радифи дигар ақаллиятҳои миллӣ дар пешрафти бахшҳои гуногуни ҳаёти иқтисодии Тоҷикистон саҳм доранд. Раиси Ҷамъияти дӯстии «Тоҷикистон — Туркманистон» Саидмуҳаммад Одинаев, узви раёсати он нависанда Ато Ҳамдам ва дигар аъзои ҷамъият доир ба таҳкими равобити фарҳангии Тоҷикистону Туркманистон табодули назар намуданд.Зикр гардид, ки дар Тоҷикистон ва Туркманистон олимон ва муҳаққиқони шинохтае ҳастанд, ки дар бораи фарҳангу тамаддун ва дастовардҳои мардумони кишвари худ таҳқиқоти пурарзиш анҷом додаанд. Аз ин рӯ ташкил намудани барномаҳои сафарӣ барои чунин олимон ба кишварҳои якдигар ва иштироки онҳо дар конфронс ва ҳамоишҳои илмӣ ба манфиати кор хоҳад буд.Дар фарҷоми мулоқот дипломати туркман- Ишанқулӣ Аманлиев ба раванди муносиботи Душанбеву Ашқобод баҳои баланд дода гуфт, ки зимни фаъолияти дипломатияш дар Тоҷикистон саъй менамояд, ки робитаҳои ду кишвар беш аз пеш густариш ёбанд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






