Бозгашти варзишгарони кишвар бо чаҳор нишон

Душанбе, 28.04.2014 (АМИТ «Ховар», Фарзонаи Давлат).-Рўзҳои 24-27-уми апрели соли равон дар шаҳри Атирауи Қазоқистон чемпионати Осиё оид ба панкратион баргузор гардид, ки дар он 7 варзишгари тоҷик таҳти роҳбарии Аҳтам Хокиров, Президенти Лигаи самбои муҳорибавӣ ва муҳорибаҳои омехта ширкат намуданд. 
Миёни кишварҳои иштирокдошта, аз қабили Ҷопон, Афғонистон, Русия, Қирғизистон, Қазоқистон, Ӯзбекистон, Ҳиндустон, Туркманистон, Эрон варзишгарони Тоҷикистон ба гирифтани 4 медали тилло, 2 нуқра ва 1 медали биринҷӣ мушарраф гардиданд. 
Барандагони медали тилло аз кишвар Муин Ғаффуров дар вазни 66 кг, Абдулло Асланов дар вазни 77 кг, Солеҳ Ҳасанов дар вазни 92 кг, Худойдод Раҳмонов дар вазни +100 кг мебошанд ва Аъзами Ҳамзиддин ва Исломҷони Ализода -ҳарду барандаи медали нуқра гардида, Ҷаҳонгир Тоиров едали биринҷии ин мусобиқаро ба даст овард. 
Гуфта мешавад, ки чемпионати мазкур бо ташаббуси Федератсияи байналмилии варзишии FILA доир шуд.