Бозёфти тангаҳои қадимӣ дар Суғд
Хуҷанд, 7.04.2014. (АМИТ “Ховар”,Абдуаҳад Шарифзода).- Осорхонаи таърихиву кишваршиносии вилоятии Суғд соҳиби тангаҳои қадимӣ хоҳад шуд. Тавре ки мудири шуъбаи таърихию кишваршиносии осорхонаи вилояти Суғд Икром Турсунов иттилоъ дод, як сокини деҳаи Қалъаи манори ноҳияи Истаравшан Холбек Юлдошев бо мақсади бунёди хона, ҳангоми ҳамвор намудани замини наздиҳавлигиаш бо ашёи аҷиб — кӯзаи пур аз танга рӯ ба рӯ шуд. Вақти кофтан, мутаассифона, кӯзаи гилӣ шикастааст, вале тангаҳо беосеб мондаанд.Шумораи ин тангаҳо 1459 адад буда, онҳо асосан сиккаҳои мисин бо навиштаҷоти арабӣ буд, ки вазни ҳар як танга 3,5 гр мебошад. Ҳоло тангаҳо пурра омӯхта нашудаанд ва масъулин гуфта наметавонанд, ки онҳо ба кадом аср тааллуқ доранд. Онҳо бисёр фарсуда буда, тахмин аст шояд ба асрҳои 14 ва 16-и мелодӣ тааллуқ дошта бошанд.
Ба гуфти масъулин,тангаҳо барҳақ қадимӣ буда, баъд аз гузаштани ташхис ва аз соҳиби он харидорӣ шудан, онҳо низ дар қатори сиккаҳои дигар дар осорхонаи вилоятӣ ҷой хоҳанд гирифт.
Соли гузашта низ маъмурияти осорхона 26 адад тангаи мисинро харида буд. Алҳол дар фонди осорхонаи вилоятӣ зиёда аз 15 ҳазор нигораи гуногун ва беш аз 4,5 ҳазор тангаи қадимӣ мавҷуд аст, ки аз он 15-тоаш тиллоӣ буда, боқимонда сиккаҳо мисин, нуқрагин ва биринҷианд ва ба давраҳои Кӯшониёну Сомониён, Шайбониену Қарахониён мансубанд.
Бояд гуфт, ки соли 2006 дар шаҳри Хуҷанд, зимни кофтани майдони назди бозори Панҷшанбе, сокинон 4 адад тангаи тиллоии давраи императории Русияро ёфта, дар ихтиёри осорхонаи вилоятӣ гузоштанд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






