Бунёди зинабоғҳо дар Ховалинг
Кӯлоб, 22.04.2014. (АМИТ «Ховар», Сулаймон Холов). — Мувофиқи нақшаи дурнамо то соли 2015 дар ноҳияи Ховалинг дар майдони 1000 гектар боғҳои нав бунёд мешаванд. Роҳбарияти ноҳия ва раёсати кишоварзӣ барои ниҳолшинонӣ хоҷагиҳои деҳқонӣ ва сокинонро ҷалб намудаанд. То имрӯз нақшаи ниҳолшинонӣ барои соли 2014 таъмин шуда, иловатан дар заминҳои бекорхобида ва санглох то охири мавсими ниҳолшинонӣ боғ бунёд хоҳад шуд. Дар ноҳия сол ба сол майдони боғҳои интенсивӣ васеъ мешавад. Ба гуфти мутахассисони соҳа дар ин гуна боғҳо бо хароҷоти кам ҳосили фаровон ба даст овардан мумкин аст. Ба гуфти Абдуллохуҷа Ғоибназаров, муовини раиси Ховалинг барои дастрас намудани ҳар як ниҳол аз Фаронса маблағи даҳ доллар масраф мегардад. Ба хотири камхарҷ ва бо роҳи арзон афзоиш додани майдони боғ дар ноҳия ниҳолхона ташкил гардида, мутахассисон парвариши ҳамин гуна ниҳолҳоро роҳандозӣ кардаанд. Кишоварзони дигар ноҳияҳо низ метавонанд аз ин ҷо ниҳол дастрас намуда, боғҳои интенсивӣ бунёд намоянд.
Маврид ба ёдоварист, ки иқлими ноҳияи Ховалинг барои боғкорӣ хеле мусоид мебошад ва бо васеъ намудани майдони боғҳо дар оянда ҳосили зиёд рӯёнидан мумкин аст. Аз ин рӯ роҳбарияти ноҳия бо соҳибкорон сохтмони якчанд сехи коркарди меваю сабзавотро ба нақша гирифтаанд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






