Дар Ҳисор ронандаи тамғаи «Nisan» ба ҳалокат расид

Душанбе, 19.04.2014. (АМИТ «Ховар», Муқаддас Темурзода).- Тавре ки аз маркази матбуоти ВКД иттилоъ доданд, дирӯз ронандаи мошини тамғаи «Nisan»  Нозимҷон Абдуллоев, соли таваллудаш 1984, сокини ноҳияи Ҳисор, ҳангоми ҳаракат аз самти шаҳри Душанбе ба ноҳияи Ҳисор, аз уҳдаи идораи воситаи нақлиёт набаромада, ба мошини тамғаи «Nisan-Maksima», таҳти идораи ронанда Сарабек Абдуллоев, соли таваллудаш 1976, сокини пойтахт бархурдааст. 
Манбаъ хабар медиҳад, ки дар натиҷаи ин садама ронандаи мошини тамғаи «Nisan»  Н. Абдуллоев ҷароҳати вазнини ҷисмонӣ бардошта, дар беморхона ба ҳалокат расида, мусофири мошини мазкур Манучеҳр Давлатов, соли таваллудаш 1987, сокини ноҳияи Ҳисор бо ҷароҳатҳои вазнини ҷисмонӣ, дар беморхона бистарӣ гардидааст.