Дастгирии тарбиятгирандагони интернати Поршнев

 
    Хоруғ, 15.04.2014. (АМИТ «Ховар», Файз Мирасан).- Бо кумаки молии Созмони  амнияту ҳамкорӣ  дар Аврупо ва ташкилоти ҷамъиятии «Умедвор»  тарбиятгирандагони   интернати наздимактабии таҳсилоти миёнаи умумии рақами дувоздаҳуми ба номи Шириншох Шотемур, воқеъ дар ҷамоати деҳоти Поршнев соҳиби 42  кати хоби замонавӣ гардиданд.  
    Интернати мазкур 45 нафар кӯдакони оилаҳои ниёмандро  аз ҳамаи ноҳияҳои ВМКБ ба таълиму тарбия  фаро гирифтааст. Бино ба гуфтаи мудири интернати наздимактабӣ Зулфия Давлатқадамова  дар таълимгоҳ таълиму тарбия мутобиқи замон роҳандозӣ шуда, хонандагон дар озмуну олимпиадаҳои  мактабӣ, шаҳрӣ ва вилоятию ҷумҳуриявӣ фаъолона  ширкат варзида,  мақомҳои намоёнро ба даст меоранд.   
     Чанд соли охир катҳои хоби кӯдакону наврасон фарсуда гаштанд, аз ин рӯ роҳбарони ташкилоти «Умедвор» интернатро бо катҳои нави  хоб таъмин намуданд.