Ду мактаби нав бо 5000 ҷойи нишаст
Душанбе, 17.04.2014. (АМИТ «Ховар», Мавҷуда Анварӣ). — Солҳои охир дар шаҳри Ваҳдат 7 бинои нави таълимӣ ва 144 синфхонаи иловагӣ бо зиёда аз 10 ҳазору 600 ҷойи нишаст ба истифода дода шуда, ҳоло сохтмони се мактаб идома дорад ва тибқи нақша то оғози соли нави хониш ду мактаби нав барои қариб 5000 ҷойи нишаст дар ду баст ба истифода дода мешавад.
Сарвари Давлат рӯзи 15 апрел дар ҷараёни сафараш ба шаҳри Ваҳдат санги асоси сохтмони бинои мактаби нави таҳсилоти умумиро гузошт, ки бо харҷи беш аз 21 миллион сомонӣ барои 2480 нафар хонанда дар ду баст бунёд мегардад.
Инчунин корҳои лоиҳакашии сохтмони боз як мактаби нав дар мавзеи Истиқлолият барои 1280 ҷойи нишаст ва таъмиру навсозии дигар мактабҳое, ки аз офати табиӣ осеб дидаанд, дар арафаи анҷомёбӣ қарор доранд.