Дуздӣ аз ҷониби ноболиғон
Душанбе, 25.04.2014. (АМИТ «Ховар», Муқаддас Темурзода).- Тавре ки маркази матбуоти Вазорати корҳои дохилӣ хабар медиҳад, ба ШВКД ноҳияи Панҷ шаҳрванд Ҳайдар Маҳмадов, соли таваллудаш 1969, сокини ҳамин ноҳия муроҷиат намудааст, ки шаби 12 ба 13-уми апрели соли ҷорӣ шахсони номаълум бо роҳи пинҳонӣ вориди мағозаи шахсиаш, вокеъ дар кӯчаи Рӯдакӣ шуда, аз он ҷо 1 адад камераи тамғаи «Soni», 5-адад таҷҳизоти сабти мусиқӣ (мр3), 25 адад таҷҳизоти гӯшкунак, 25 дона батарейка ва ғайраро ҷамъ ба маблағи 4020 сомонӣ дуздида, аз ҷойи ҳодиса ғайб задаанд. Ҳангоми гузаронидани чорабиниҳои фаврӣ-ҷустуҷӯӣ ҳамчун гумонбар дар ҷинояти дуздӣ ду ноболиғ, хонандагони мактаби таҳсилоти умумӣ боздошт гардиданд.Тибқи иттилои манбаъ аз рӯиӣ ҳодисаи мазкур тафтиш идома дорад.